Leo Simba ilipaswa kucheza na Biashara United. Hata hivyo, TFF imeuahirisha mchezo huo na kuifanya Simba iongeze idadi ya viporo kufikia 11
Simba imeomba kuahirishiwa mchezo huo ili ijiandae na mchezo dhidi ya TP Mazembe utakaopigwa April 13 Lubumbashi, Jamhuri ya Kidemokrasia ya Congo
Huku Simba inaahirishiwa mchezo, lakini kule Congo TP Mazembe kesho itacheza mchezo wa ligi kabla ya kuivaa Simba Jumamosi!
Wakati ligi ikiwa imesalia raundi tano kumalizika, haijafahamika ni utaratibu gani TFF itautumia kuwezesha ligi kumalizika kwa wakati kutokana na klabu ya Simba bado kuwa na michezo mingi ambayo kiuhalisia ratiba yake itakuwa ngumu kupangika kutokana na muda uliobaki
Kwa mujibu wa ratiba iliyotolewa na Bodi ya Ligi mwanzoni mwa msimu, ligi inapaswa kumalizika May 26, ambapo ni kipindi cha mwezi mmoja na siku kidogo
Wakati baadhi ya timu zikisalia na michezo mitano hadi nane, Simba ina michezo 16 ambayo inapaswa ichezwe katika muda huo uliobaki
Kwa muda uliobaki, Simba itapaswa kucheza angalau kila baada ya siku mbili, kinyume na hivyo labda Bodi ya ligi isogeze mbele tarehe ya kumalizika msimu, uamuzi ambao kama utachukuliwa, itafaa upingwe na kila anayelitakia mema soka la Tanzania
TFF wameonyesha upendeleo wa dhahiri kwa Simba na hakika wameweka historia kwa kuifanya timu hiyo icheze ligi bila ya bugudha
Haikuwahi kutokea popote duniani timu moja kurundikiwa michezo 11 ya viporo
