Kikosi Yanga chafanya mazoezi maalumu ya ufungaji

Tangu Jumatatu benchi la Ufundi la Yanga lilikuwa likiwapa mazoezi maalum ya ufungaji washambuliaji.

Mazoezi hayo maalumu yamefanyika kufuatia matokeo ya mchezo wa kwanza ambapo Yanga ilitoka sare ya bao 1-1 dhidi ya timu iliyopanda daraja Lipuli.

Kocha Msaidizi wa Yanga, Shadrack Nsajigwa amesema, katika mechi yao ya kwanza Yanga ilitengeneza nafasi nyingi, lakini ilishindwa kufunga.

"Tunafanyia kazi suala hili la ushambuliaji kwa sababu tulitengeneza nafasi nyingi kwenye mechi yetu ya kwanza, lakini hatukupata mabao ndio maana tumekazia hivi sasa,"alisema.