Serikali 'yaikomalia' Yanga ifanye uchaguzi

Serikali kupitia kwa Waziri wa Habari, Utamaduni, Sanaa na Michezo Dk Harrison Mwakyembe, imeiagiza klabu ya Yanga kuhakikisha inafanya uchaguzi katika kipindi cha siku 14

Kumekuwa na sintofahamu juu ya hatma ya uchaguzi huo ambao umekuwa 'ukipigwa danadana' kutokana na mivutano ya hapa na pale

Dk Mwakyembe amesema Yanga haina sababu ya kutofanya uchaguzi wakati huu

Uongozi wa Yanga umeeleza kuwa tayari kufanya uchaguzi huo lakini kupitia Bodi ya wadhamini, umependekeza kufanyika kwa uchaguzi Mkuu wa nafasi zote badala ya ule wa kujaza nafasi zilizowazi

Idadi kubwa ya viongozi wa Yanga wamejiuzulu ambapo mpaka sasa Kamati ya Utendaji ya timu hiyo imebaki na wajumbe wawili tu baada ya wengine kujiuzulu