Kamati ya Nidhamu TFF kukutana Jumamosi

Kamati ya Nidhamu ya Shirikisho la Mpira wa Miguu Tanzania (TFF) itakutana Jumamosi kupitia baadhi ya matukio yaliyotokea kwenye baadhi ya michezo ya ligi kuu Tanzania Bara na kuyatolea maamuzi.

Miongoni mwa wanaotarajiwa kuhudhuria kikao hicho ni beki wa Yanga Abdallah Shaibu 'Ninja' anayetuhumiwa kumpiga kiwiko mchezaji wa Coastal Union wakati timu hizo zilipokutana mwezi uliopita katika dimba la Mkwakwani kwenye mchezo ambao ulimalizika kwa matokeo ya sare ya bao 1-1

Ninja aliruhusiwa kuendelea kuitumikia Yanga akisubiri hatma ya kikao hicho cha Kamati ya Nidhamu ambacho huenda kikamsimamisha kwa michezo kadhaa kutokana na tukio hilo