Yanga yaanza kuiwinda KMC leo

Baada ya mapumziko ya siku mbili, kikosi cha Yanga leo kinaendelea na mazoezi kwenye uwanja wa chuo cha Polisi Kurasini jijini Dar es salaam kujiandaa na mchezo wa ligi kuu ya Tanzania Bara dhidi ya KMC

Mchezo huo utapigwa Jumapili, March 10 kwenye uwanja wa Taifa

Yanga ilirejea jijini Dar es salaam juzi asubuhi ikitokea Mwanza ambako iliibuka na ushindi wa bao 1-0 dhidi ya Alliance Fc

Kocha Mwinyi Zahera aliwapa wachezaji mapumziko ya siku mbili ili kurejesha nguvu katika miili yao baada ya kucheza mfululizo

Jumapili Yanga itaikabili KMC ikiwa na kumbukumbu ya kupata ushindi wa bao 1-0 katika mchezo wa duru ya kwanza uliopigwa uwanja wa Taifa