Hakuna ubishi katika mchezo wa jana dhidi ya Namungo Fc, mlinda lango Klaus Kindoki alikuwa nyota wa mchezo
Kindoki hakuwa yule ambaye mashabiki wa Yanga wamemzoea.
Aliokoa michomo kadhaa ya washambuliaji wa Namungo ambayo ingeweza kusababisha madhara kwa Yanga
Kindoki alikuwa mkali kwa mabeki wake pale walipofanya makosa.
Mlinda lango huyo raia wa DR Congo alidhihirisha ubora wake, sasa anaonekana kujiamini na kufurahia kazi yake
Kama ataendeleza moto huo, Yanga haina sababu ya kuwa na hofu nae tena
Jana baada ya mchezo mashabiki wa Yanga hawakuficha furaha zao kwake. Alipongezwa kila kona
Kindoki jana amewafunza mashabiki, ni vyema kuwa wavumilivu na kuwapa nafasi wachezaji wasahihishe makosa yao
Kwani duniani hakuna mchezaji asiyefanya makosa.
Kindoki alipoteza kujiamini kutokana na mashambulizi na kejeli alizokuwa akivurumishiwa na baadhi ya mashabiki
