Jana usiku kikosi cha Yanga kiliwasili salama mkoani Singida wakitokea Tanga tayari kwa mchezo wa ligi kuu ya Tanzania Bara dhidi ya Songida United utakaopigwa kesho Jumatatu katika uwanja wa Namfua
Licha ya timu hiyo kuchelewa kuingia Singida, umati mkubwa wa Wananchi waliendelea kuwasubiri vinara hao wa ligi kuu na shangwe zikatawala baada ya basi lililobeba wachezaji na viongozi wa Yanga kuwasili
Leo jioni Yanga inatarajiwa kujifua kwenye dimba la Namfua tayari kuwakabili Singida United, wakisaka ushindi wao wa kwanza dhidi ya walima alizeti hao katika dimba la Namfua
Msimu uliopita timu hizo zilikutana mara mbili katika dimba hilo na matokeo ya michezo yote yalikuwa sare ya bao 1-1. Singida United ikishinda kwa matuta katika mchezo wa kombe la FA
Msimu huu Yanga ilipata ushindi wa mabao 2-0 kwenye mchezo wa mzunguuko wa kwanza ambao ulipigwa katika dimba la Taifa
