Yanga kuelekea mkoani Singida leo

Hakuna kulala! Ndio kauli unayoweza kuitumia kwa mchakamchaka unaoikabili Yanga wiki hii ambapo baada ya mchezo wa jana dhidi ya Coastal Union, vinara hao wa ligi kuu wanaelekea mkoani Singida kuikabili Singida United katika mchezo mwingine wa ligi kuu utakaopigwa keshokutwa Februari 06 katika dimba la Namfua

Baada ya mchezo huo, Yanga itarejea tena jijini Tanga kuikabili JKT Tanzania Februari 10.

Mchezo utakaofuata baada ya kucheza na JKT Tanzania ni dhidi ya Simba Februari 16 na utapigwa kwenye uwanja wa Taifa