Kiwango kizuri walichoonyesha kwenye michuano ya kombe la Mapinduzi iliyomalizika hivi karibuni, kimewapa fursa Gustavo Simon na Shabani Mohammed kujumuishwa kwenye kikosi cha kwanza cha Yanga
Kocha Mkuu wa Yanga Mwinyi Zahera ameagiza leseni za wachezaji hao wa timu ya vijana (Yanga B) zipatikane haraka ili waweze kutumika katika kikosi cha kwanza.
Gustavo alikuwa gumzo zaidi katika Mapinduzi Cup akionyesha uwezo mkubwa akimudu vyema kucheza nafasi ya ulinzi wa kushoto na kiungo mchezeshaji
Vijana hao wanafuata nyayo za Paulo Godfrey 'Boxer' ambaye tangu apandishwe kwenye kikosi cha kwanza, ameonyesha uwezo mkubwa kupelekea kocha Zahera kumpa majukumu ya ulinzi wa kulia mbele ya mkongwe Juma Abdul
Zahera ameonyesha kuwa na imani na wachezaji vijana na kwa hakika hawamuangushi anapowapa nafasi.
