Kocha Mkuu wa Yanga Mwinyi Zahera amesema mshambuliaji wa timu hiyo kinara wa mabao Heritier Makambo alipewa ruhusa kwenda nchini Congo na atarudi
Baada ya kuibuka kwa taarifa hapo jana kuwa mshambuliaji huyo alitoroka kambini, Zahera amesema taarifa hizo hazikuwa na ukweli wowote kwani Makambo aliondoka baada ya mchezo dhidi ya Mbeya City
"Baada ya mchezo dhidi ya Mbeya City tuliwapa wachezaji wote mapumziko. Makambo aliondoka siku moja baada ya mchezo huo," Zahera amewaambia waandishi wa habari
Mimi na Kindoki tuna namba ya Makambo, tunawasiliana nae atarejea kuna mambo alikuwa anaweka sawa"
Makambo mwenye mabao 11 amekosa mchezo dhidi ya Mwadui Fc leo lakini licha ya kukosekana kwake Yanga imeibuka na ushindi wa mabao 3-1
Pacha wake Amissi Tambwe amefunga moja ya mabao hayo na kumfanya afikishe mabao sita na kuweka hai ndoto ya kuwawania kiatu cha dhahabu msimu
Makambo anatarajiwa kuuwahi mchezo wa ugenini dhidi ya Stand United utakaopigwa Jumamosi, Januari 19 dimba la Kambarage mkoani Shinyanga
