Uongozi wa Yanga umetoa taarifa njema kwa mashabiki wake kuwa mshambuliaji Heritier Makambo amepatikana na yuko njiani kurejea nchini.
Jana zilitolewa taarifa za mkanganyiko kuhusu mshambuliaji huyo ambaye alikuwa hapatikani kwenye simu kwa takribani siku mbili na kuibua hofu kwa wadau wa klabu ya Yanga
Afisa Habari wa Yanga Dismas Ten amesema wamefanikiwa kuwasiliana na Makambo na atawasili nchini wakati wowote
Ufafanuzi
Taarifa ya sintofahamu kuhusu Makambo iliripotiwa jana kwa mara ya kwanza na mtandao wa DaboTen ambao ulidai mshambuliaji huyo alikuwa ametoweka Hoteli alipokuwa akiishi na hakuwa akipatikana kwenye simu
Hata hivyo, Afisa Habari wa Yanga Dismas Ten alitoa ufafanuzi wa sakati hilo akibainisha kuwa ni kweli Makambo alikuwa ameondoka nchini lakini aliruhusiwa na Kocha Mwinyi Zahera ambaye aliwapa wachezaji wote mapumziko ya siku kadhaa baada ya mchezo dhidi ya Mbeya City
Makambo alipaswa kurejea nchini juzi lakini uongozi wa timu hiyo ulishindwa kumpata kwenye simu yake ya kiganjani lakini hatimaye leo wameweza kumpata
