Vinara wa ligi kuu ya Tanzania Bara Yanga Jumatano, Januari 16 wanashuka katika dimba la Taifa kuikabili Mwadui Fc katika mchezo wa ligi kuu ya Tanzania Bara mzunguuko wa 22
Huo utakuwa mchezo wa kwanza wa ligi kwa Yanga mwaka huu ikitoka kuichapa Mbeya City mabao 2-1 mwishoni mwa mwaka jana na kujikita kileleni mwa msimamo wa ligi kwa tofauti ya alama 10
Yanga imedhamiria kutwaa ubingwa msimu huu, ikiweka mkakati wa kulinda rekodi ya kutopoteza mchezo mpaka sasa.
Baada ya mchezo huo Yanga itaelekea mkoani Shinyanga kuikabili Stand United Jan 20 kabla ya kurejea jijini Dar es salaam kushiriki mashindano ya SportPesa Super Cup yanayoanza Januari 22 2019
Kikosi cha Yanga kimeendelea kujifua kwenye uwanja wa Chuo cha Polisi Kurasini jijini Dar es salaam chini ya kocha wake Mkuu Mwinyi Zahera kujiandaa na michezo hiyo
