Ushindi wa mabao 4-0 iliyopata Yanga leo kwenye mchezo wa kombe la FA dhidi ya Tukuyu Stars, umenogesha rekodi ya ushindi kwa Yanga sasa ikishinda mfululizo michezo nane ya kimashindano sawa na kugawa vipigo kwa dakika 720.
Kabla ya mchezo wa leo, Yanga ilishinda michezo saba ya ligi mfululizo dhidi ya Mwadui FC(2-1), Kagera Sugar (2-1), JKT Tanzania (3-0), Prisons (3-1), Biashara Fc (2-1), Ruvu Shooting (3-2) na African Lyon (1-0)
Juu ya rekodi hiyo Yanga bado haijapoteza mchezo wowote kwenye ligi ikitoka sare michezo miwili tu.
Vinara hao wa ligi kuu wameendelea kunoga siku hadi siku sasa wakitandaza kandanda safi ya kitabuni.
Shukrani za pekee zimfikie kocha Mwinyi Zahera ambaye ameweza kuifanya Yanga kuwa 'moto wa kuotea mbali.
ADVERTISE HERE
