Yanga yawasili Arusha

Kikosi cha mabingwa wa kihistoria wa Tanzania, Yanga kimewasili salama mkoani Arusha tayari kwa mchezo wa ligi kuu ya Tanzania Bara dhidi ya African Lyon.

Yanga iliondoka jijini Dar es salaam mapema leo Jumanne kwa usafiri wa basi ambapo timu iliweka kituo cha muda wilayani Korogwe kupata chakula cha mchana kilichoandaliwa na wadau wa Yanga kisha kuendelea na safari

Idadi kubwa ya mashabiki wa Yanga mkoani Arusha wamejitokeza kuwalaki vinara hao wa ligi kuu ambao wamepania kusalia kileleni mpaka mwezi wa tano mwakani ligi itakapokuwa inamalizika.



Yanga itashuka kwenye uwanja wa Sheikh Amri Abeid keshokutwa Alhamisi Disemba 20 kuikabili African Lyon katika mchezo unaosubiriwa kwa hamu na wakazi wa jiji hilo la Kitalii