Yanga mtegoni kusajili kipa mwingine

Kwa jinsi hali ilivyo upo uwezekano mkubwa kwa klabu ya Yanga kusajili mlinda lango mwingine kuchukua nafasi ya Beno Kakolanya.

Dirisha dogo la usajili litafungwa siku nne zijazo, Yanga inaweza kulazimika kufanya maamuzi magumu ya kuachana na Kakolanya kama mpaka Ijumaa mwafaka hautafikiwa baina ya pande mbili.

Aidha wasiwasi ulioonyeshwa na kocha Mwinyi Zahera baada ya kubaini wakala wa mlinda lango huyo ni kiongozi wa Simba huenda ukamfanya aondoe imani kwake na anaweza asimuhitaji

Kwa sasa Yanga inamtegemea zaidi kinda Ramadhani Kabwili ambaye amedaka michezo mitano iliyopita na Yanga kushinda yote.

Kabwili amechukua mikoba ya Kakolanya baada ya Mcongomani Klaus Kindoki kushindwa kuonyesha makali yake

Hivyo Yanga bado inahitaji kuwa na mlinda lango mzoefu atayeweza kuhimili mikiki mikiki ya ligi hasa wakati huu ambao ushindani kuelekea ubingwa umeanza kushika kasi

Kumekuwa na taarifa kuwa mabosi wa Yanga hawajakata tamaa ya kumnasa mlinda lango wa Bandari Fc Farouq Shikalo ambaye pia yuko kwenye kikosi cha timu ya Taifa ya Kenya