Yondani ataukosa mchezo dhidi ya Ndanda Fc

Nahodha wa Yanga Kelvin Yondani ataukosa mchezo wa keshokutwa Jumapili dhidi ya Ndanda kutokana na majeraha ya goti aliyopata mchezo uliopita.

Hata hivyo Andrew Vicent Chikupe amerejea kikosini baada ya kumaliza adhabu ya kukosa michezo mitatu

Kocha Mkuu wa Yanga Mwinyi Zahera amesema kukosekana kwa wachezaji hao hakumpi hofu kwani wapo wengine watakaocheza na kuziba nafasi zao.

Kikosi cha Zahera pia kitamkosa Geofrey Paulo 'Boxer' anayetumikia adhabu ya kukosa mchezo mmoja baada ya kuonyeshwa kadi mbili za njano kwenye mchezo dhidi ya Lipuli

Zahera amesema timu yake imejiandaa kikamilifu na wana matumaini makubwa ya kushinda mchezo huo wa keshokutwa.

"Kukosekana kwa Yondani na Boxer kumenifanya nibadili mfumo wa uchezaji katika mchezo wangu na Ndanda niliokuwa nautumia katika michezo iliyopita kila mtu anafahamu kasi ya mabeki hao katia kupeleka mashambulizi.

"Timu yangu imejiandaa vema kuhakikisha inaendeleza rekodi nzuri ya kutopoteza mchezo wa ligi katika uwanja wetu wa nyumbani kabla ya kutoka katika mcheo ujao wa ligi.

"Kabla ya ligi kuanza tukiwa kambini Morogoro niliwaambia wachezaji wangu hatutakiwi kupoteza mchezo katika uwanja wetu ni lazima tushinde ili tujiwekee mazingira mazuri ya ubingwa," amesema Zahera