Vijana wako tayari kwa ajili ya mchezo wa kesho - Nadir

Meneja wa Yanga Nadir Haroub 'Cannavaro' amesema leo asubuhi timu imefanya mazoezi kwenye uwanja wa chuo cha Polisi Kurasini jijini Dar es salaam kujiandaa na mchezo wa ligi kuu ya Tanzania Bara dhidi ya Lipuli Fc.

Nadir aliyerejea hivi karibuni kutoka Kusini mwa Tanzania alikokwenda kuzindua Matawi ya Yanga wilaya za Masasi na Ruangwa, amesema wachezaji wote waliokambini wako tayari kwa mchezo huo.

Aidha Nadir amedokeza kuwa hali za majeruhi Ibrahim Ajib na Papi Tshishimbi zinaendelea vizuri na kama madaktari wa timu hiyo watatoa ruhusa ya kuwatumia hapo kesho, basi watakuwa sehemu ya kikosi cha Yanga kitakachoivaa Lipuli Fc.

"Ajib na Tshishimbi wanaendelea vizuri lakini bado wako chini ya uangalizi wa daktari. Hatma yao kuhusu kucheza mchezo wa kesho ama la itatolewa na daktari wa timu," amesema Nadir