Kikosi cha Yanga kinaondoka usiku wa kuamkia kesho Jumanne (saa 8:30 usiku) kuelekea Rwanda, kwa ajili ya mchezo wao wa kukamilisha hatua ya makundi ya michuano ya Kombe la Shirikisho Afrika dhidi ya Rayon Sports.
Yanga itakwenda Rwanda bila ya nyota wake Said Juma (amefiwa) huku Juma Mahadhi pamoja na nahodha wake msaidizi, Juma Abdul wakiwa ni majeruhi.
Yanga inaondoka na kikosi cha wachezaji 20 tayari kwa mchezo huo utakaochezwa Jumatano jijini Kigali.
Mratibu wa Yanga, Hafidh Saleh, amesema Abdul atakosekana kwenye mchezo huo kutokana na kuwa majeruhi baada ya kuumia kwenye mchezo dhidi ya Mtibwa Sugar ambao waliibuka na ushindi wa mabao 2-1.
"Mahadhi inafahamika aliumia kwenye mchezo dhidi ya Waarabu na atakuwa nje kwa zaidi ya wiki moja sasa, lakini hata kama angekuwa mzima asingekuwapo kwenye safari kwa sababu ana kadi mbili za njano," alisema Saleh.
Alisema ukiondoa nyota hao wawili, wachezaji wengine wote wapo kwenye ari nzuri na kwamba baada ya mazoezi ya jana, kocha alitarajiwa kutangaza wachezaji watakaoondoka na timu kuwafuata Rayon Sports.
"Mpaka baadaye jioni (jioni ya jana) kocha ndipo atatangaza nani na nani wanaenda Rwanda kwa ajili ya mchezo huu wa mwisho," alisema Saleh.
Aidha, alisema licha ya kuwapo kwa safari hiyo ya Rwanda, kocha wa timu hiyo, Mwinyi Zahera, anauwazia zaidi mchezo ujao wa Ligi Kuu dhidi ya Mwadui FC utakaochezwa Septemba 2, mwaka huu kwenye Uwanja wa Kambarage.
"Rwanda tunaenda kukamilisha ratiba kwa sababu hatuna nafasi ya kusonga mbele, Kocha anauwazia pia mchezo wetu wa ligi ugenini dhidi ya Mwadui.
"Tunawafuata Rayon, lakini pia tunaupigia mahesabu mchezo na Mwadui," aliongeza kusema Saleh.
Yanga itakwenda Rwanda bila ya nyota wake Said Juma (amefiwa) huku Juma Mahadhi pamoja na nahodha wake msaidizi, Juma Abdul wakiwa ni majeruhi.
Yanga inaondoka na kikosi cha wachezaji 20 tayari kwa mchezo huo utakaochezwa Jumatano jijini Kigali.
Mratibu wa Yanga, Hafidh Saleh, amesema Abdul atakosekana kwenye mchezo huo kutokana na kuwa majeruhi baada ya kuumia kwenye mchezo dhidi ya Mtibwa Sugar ambao waliibuka na ushindi wa mabao 2-1.
"Mahadhi inafahamika aliumia kwenye mchezo dhidi ya Waarabu na atakuwa nje kwa zaidi ya wiki moja sasa, lakini hata kama angekuwa mzima asingekuwapo kwenye safari kwa sababu ana kadi mbili za njano," alisema Saleh.
Alisema ukiondoa nyota hao wawili, wachezaji wengine wote wapo kwenye ari nzuri na kwamba baada ya mazoezi ya jana, kocha alitarajiwa kutangaza wachezaji watakaoondoka na timu kuwafuata Rayon Sports.
"Mpaka baadaye jioni (jioni ya jana) kocha ndipo atatangaza nani na nani wanaenda Rwanda kwa ajili ya mchezo huu wa mwisho," alisema Saleh.
Aidha, alisema licha ya kuwapo kwa safari hiyo ya Rwanda, kocha wa timu hiyo, Mwinyi Zahera, anauwazia zaidi mchezo ujao wa Ligi Kuu dhidi ya Mwadui FC utakaochezwa Septemba 2, mwaka huu kwenye Uwanja wa Kambarage.
"Rwanda tunaenda kukamilisha ratiba kwa sababu hatuna nafasi ya kusonga mbele, Kocha anauwazia pia mchezo wetu wa ligi ugenini dhidi ya Mwadui.
"Tunawafuata Rayon, lakini pia tunaupigia mahesabu mchezo na Mwadui," aliongeza kusema Saleh.
ADVERTISE HERE
