Mashabiki Yanga wafurika Jangwani

Mamia ya mashabiki na wanachama wa klabu ya Yanga leo wamefika Makao Makuu ya klabu hiyo mtaa wa Twiga na Jangwani kufahamu hatma ya klabu yao.

Mapema leo baadhi ya viongozi waandamizi wa Yanga walifika klabuni hapo kwa ajili ya kuonana na wachezaji wanaoendesha mgomo wakishinikiza walipwe mishahara na fedha za usajili.

Kuna taarifa kuwa Makamu Mwenyekiti wa Yanga Clement Sanga ameandika barua kwa Bodi ya Wadhamini akitangaza kujiuzulu nafasi zote za uongozi.

Kumekuwa na shinikizo kubwa miongoni mwa wanachama na mashabiki wa Yanga wakimtaka Sanga ajiuzulu.

Bado kumekuwa na sintofahamu Jangwani, mashabiki wameendelea kufurika nje ya jengo la klabu.