Banka aahidi kurejesha makali ya Yanga

Baada kusaini mkataba wa miaka miwili kuitumikia Yanga, kiungo mshambuliaji Mohammed Issa 'Banka' amesema amekuja Yanga kufanya kazi.

Banka ameushukuru uongozi wa Yanga kwa kumsajili na ameahidi kuifanya Yanga 'iwe Yanga'.

Amesema anajiamini, ujio wake utaongeza kitu kwenye kikosi cha Yanga.

Hana wasiwasi juu ya kucheza kwani anaamini kwa uwezo wake ataweza kumshawishi kocha Mwinyi Zahera kumpa nafasi.

Mohammed Issa ametokea visiwani Zanzibar. Yanga imeendelea na utaratibu wa kuwapa nafasi wachezaji kutoka visiwani humo.

Jina la Banka amepachikwa na mashabiki waliomfananisha na kiungo fundi aliyewahi kutamba Yanga miaka ya nyuma, Mohammed Banka.

Wako wanaodhani Banka huyu ndio yuleyule wa miaka ilee, wakati ukweli ni kwamba ni watu wawili tofauti.