Tujitokeze kwa wingi uwanja wa Taifa leo

Yanga leo inashuka dimbani kwenye uwanja wa Taifa kuanzia saa 10 jioni kupambana na Singida United katika mchezo rasmi wa kirafiki.

Yanga imekuwa ikijifua kwa takribani wiki tatu ikiwa ni maandalizi ya msimu mpya wa ligi.

Pia imesajili wachezaji wapya ambao leo kwa mara ya kwanza watavaa uzi wa Yanga.

Hii ni fursa kwa mashabiki kuishuhudia timu yao ikitambulisha wachezaji wake iliyowasajili kwa ajili ya msimu mpya

Tufurike kwa wingi pale uwanja wa Taifa kuipa nguvu timu yetu, hii ni siku maalumu kwa ajili ya mashabiki.

Pia uwanjani zitapatikana jezi original za Yanga pamoja na bidhaa nyingine za klabu.