Hersi ataja sababu ya mabadiliko benchi la ufundi, Fadlu akitua

Shabiki NambaMoja By Shabiki NambaMoja
β€’
2d ago
Hersi ataja sababu ya mabadiliko benchi la ufundi, Fadlu akitua

Rais wa Yanga SC, Injinia Hersi Said, amefunguka kuhusu sababu zilizosababisha uongozi wa klabu hiyo kufanya mabadiliko katika benchi la ufundi, akisisitiza kuwa viongozi hawatasita kufanya maamuzi magumu kwa maslahi ya timu.

Hersi amesema kupoteza pointi tano katika michezo miwili dhidi ya Simba SC na TRA United kulikuwa miongoni mwa sababu zilizoufanya uongozi kufanya tathmini ya mwenendo wa kikosi na hatimaye kuamua kumaliza ushirikiano na kocha aliyeanza msimu wa 2026/2027.

Akizungumza Novemba 18, 2026, katika mkutano na waandishi wa habari uliofanyika Makao Makuu ya Yanga, Jangwani jijini Dar es Salaam, Hersi amesema matarajio ya wanachama na mashabiki wa klabu hiyo yanahitaji timu kuendelea kushindana katika kiwango cha juu.

POINTI TANO ZILIVYOSABABISHA MABADILIKO

Hersi amesema matokeo ya kupoteza mchezo dhidi ya Simba na kutoka sare dhidi ya TRA United hayakuwa sehemu ya matarajio ya uongozi.

Kwa mujibu wa rais huyo, Yanga imejijengea kiwango kikubwa cha ushindani katika misimu iliyopita, hivyo viongozi wana wajibu wa kuhakikisha timu inaendelea kulinda ubora huo.

Amesema licha ya kocha aliyeondoka kufanikisha timu kufuzu hatua ya makundi ya Ligi ya Mabingwa Afrika, uongozi uliona umuhimu wa kufanya mabadiliko kwa kuzingatia malengo mapana ya klabu.

“Katika soka kuna wakati taasisi inapaswa kufanya maamuzi magumu kwa kuzingatia malengo na matarajio yake,” amesema Hersi.

Amesisitiza kuwa maamuzi hayo yalilenga kurejesha kiwango bora cha timu, ushindani na matokeo yanayolingana na matarajio ya Yanga.

HERSI AWEKA IMANI KWA KOCHA MPYA

Akizungumzia ujio wa kocha mpya Fadlu Davids, Hersi amesema uongozi una imani kubwa na uwezo pamoja na uzoefu wake katika soka la ndani na mashindano ya kimataifa.

Ameeleza kuwa uzoefu wa kocha huyo katika kufanya kazi Tanzania, Afrika Kusini na ukanda wa Afrika Kaskazini ulikuwa miongoni mwa mambo muhimu yaliyozingatiwa wakati wa kumpata.

“Kama viongozi wa klabu, jukumu letu si kufanya maamuzi kwa mazoea, bali kufanya maamuzi sahihi kwa maslahi ya taasisi. Katika hili, tumefanya maamuzi ambayo tuna uhakika nayo,” amesema.

Hersi amesema kocha huyo alipokelewa wakati wa mapumziko ya FIFA, jambo lililompa nafasi ya kuanza maandalizi ya kikosi kupitia kambi iliyowekwa Zanzibar.

Hata hivyo, maandalizi hayo yalikuwa na changamoto ya kukosekana kwa baadhi ya wachezaji waliokuwa katika majukumu ya timu zao za taifa.

Kambi hiyo ilitumika kumwezesha kocha kuanza kuwafahamisha wachezaji falsafa yake ya soka, mfumo wa uchezaji na kujenga mshikamano ndani ya kikosi.

UBINGWA WA SITA MFULULIZO WAPIGIWA HESABU

Baada ya kurejea kutoka Zanzibar, Yanga inatarajiwa kuelekea mkoani Kilimanjaro kwa ajili ya mchezo wa Ligi Kuu ya NBC dhidi ya Polisi Tanzania, uliopangwa kufanyika Novemba 20, 2026.

Hersi amesema mchezo huo ni muhimu katika safari ya Yanga ya kuwania ubingwa wa Ligi Kuu Tanzania Bara kwa mara ya sita mfululizo.

Ameeleza kuwa klabu inatarajia kuwapokea wachezaji waliokuwa katika majukumu ya timu za taifa kabla ya mchezo huo ili kuongeza nguvu katika kikosi.

LENGO CAF NI ROBO FAINALI

Mbali na kutetea ubingwa wa Ligi Kuu, Hersi ameweka wazi kuwa Yanga imejiwekea lengo la kufika angalau hatua ya robo fainali ya Ligi ya Mabingwa Afrika msimu huu.

Yanga itaanza kampeni zake za hatua ya makundi kwa kukutana na MC Alger ya Algeria Novemba 27, 2026, Zanzibar.

Hersi amewakumbusha mashabiki kuwa Yanga imefanikiwa kuweka rekodi ya kuwa klabu ya kwanza kutoka Tanzania kufuzu hatua ya makundi ya Ligi ya Mabingwa Afrika mara nne mfululizo.

Mafanikio hayo yamekuja baada ya klabu hiyo kurejea katika hatua ya makundi mwaka 2023, ikiwa imesubiri kwa miaka 25 tangu ilipofanya hivyo mwaka 1998.

“Kwa msimu huu, tumejiwekea lengo la kufika angalau hatua ya robo fainali ya Ligi ya Mabingwa Afrika. Tutafanya kila juhudi kuhakikisha tunafikia hatua hiyo,” amesema Hersi.

AKIRI KUNDI NI GUMU

Yanga imepangwa katika kundi B lenye vigogo watatu kutoka Afrika Kaskazini, ambao ni Zamalek ya Misri, MC Alger ya Algeria na Club Africain ya Tunisia.

Hersi amekiri kuwa kundi hilo lina ushindani mkubwa kutokana na historia, uzoefu na ubora wa wapinzani hao katika mashindano ya Afrika.

Hata hivyo, amesema uongozi unaamini kikosi kilichopo kina uwezo wa kupambana na kufikia malengo yaliyowekwa.

Yanga SC Stories

Goals : Polisi Tanzania 0-2 Yanga, NBC PL (FT)
Goals : Polisi Tanzania 0-2 Yanga, NBC PL (FT)
10h ago
READ MORE β†’
FT : Polisi Tanzania 0-2 Yanga, NBC PL
FT : Polisi Tanzania 0-2 Yanga, NBC PL
10h ago
READ MORE β†’
Kikosi : JKT Tanzania vs Yanga, NBC PL, Nov 20
Kikosi : JKT Tanzania vs Yanga, NBC PL, Nov 20
13h ago
READ MORE β†’
Mudathir amemaliza adhabu, tayari kurejea kikosini
Mudathir amemaliza adhabu, tayari kurejea kikosini
18h ago
READ MORE β†’
Dladla awaaga Wananchi
Dladla awaaga Wananchi
19h ago
READ MORE β†’
Matchday; Polisi Tanzania vs Yanga, NBC PL, Nov 20
Matchday; Polisi Tanzania vs Yanga, NBC PL, Nov 20
19h ago
READ MORE β†’
Magazeti ya leo Ijumaa, Novemba 20 2026
Magazeti ya leo Ijumaa, Novemba 20 2026
22h ago
READ MORE β†’
Yanga yawasili Moshi tayari kuikabili Polisi Tanzania
Yanga yawasili Moshi tayari kuikabili Polisi Tanzania
1d ago
READ MORE β†’
Yanga yakamilisha maandalizi tayari kuifuata Polisi Tanzania
Yanga yakamilisha maandalizi tayari kuifuata Polisi Tanzania
1d ago
READ MORE β†’
Dikgacoi atamba Yanga ipo tayari kuivaa Polisi Tanzania
Dikgacoi atamba Yanga ipo tayari kuivaa Polisi Tanzania
1d ago
READ MORE β†’