Wakati kikosi cha timu ya Taifa ya Tanzania 'Taifa Stars' kikisafiri kuelekea Nigeria kwa ajili ya mchezo wa kuwania kufuzu Afcon 2026, wachezaji wa Yanga Dickson Job na Clement Mzize hawakuwa sehemu ya kikosi hicho.
Job na Mzize walikuwa miongoni mwa wachezaji ambao walitangazwa kujumuishwa kwenye kikosi lakini kutokana na changamoto za majeraha walizopitia, nyota hao wameachwa ili kuimarika zaidi.
Job na Mzize wamerejea hivi karibu kwenye kikosi cha Yanga wakitoka kwenye changamoto za majeraha ambazo ziliwaweka nje ya uwanja kwa muda mrefu.
Nyota hao wako Zanzibar na kikosi cha Yanga kilichoweka kambi ya siku 10 chini ya kocha mpya wa timu hiyo Fadlu Davids.
Aidha wachezaji Bakari Nondo Mwamnyeto, Ibrahim Bacca na Seleman Mwalimu wamesafiri na kikosi cha Stars Nigeria.
Wachezaji hao ni miongoni mwa wachezaji waliokwenda kwenye majukumu ya timu za Taifa.
Wengine Djigui Diarra (Mali), Albert Kangwanda (Zambia), Peter Shalulile (Namibia) na Hussein Zakuane (Comoros)
