Mshambuliaji wa Yanga Clement Mzize jana alifungua akaunti yake ya mabao msimu huu akiifungia Yanga bao la ushindi katika mchezo wa ligi kuu dhidi ya Mashujaa Fc.
Mchezo huo uliopigwa uwanja wa KMC Complex, ulishuhudia Wananchi wakiibuka na ushindi wa mabao 2-1 ambapo walilazimika kutokuea nyuma kwa bao moja kupata ushindi huo.
Hilo lilikuwa bao la kwanza la Mzize kwenye ligi baada ya muda mrefu kupita bila ya kuonekana uwanjani akipambana na changamoto za majeraha.
Baada ya kuingia kipindi cha pili, Mzize alionyesha utofauti mkubwa akiongeza uhai kwenye safu ya ushambuliaji ya Yanga.
Bao alilofunga katika mchezo huo pia likamfanya aondoke na tuzo ya nyota wa mchezo.
Kurejea kwa Mzize ni habari njema kwa Yanga katika kipindi ambacho timu inaonekana kupata wakati mgumu kuweka mipira kambani.
Katika mchezo dhdi ya Mashujaa, Yanga ilitengeneza nafasi nyingi hasa kwenye kipindi cha kwanza lakini suala la umaliziaji limeendelea kuwatesa Wananchi.
