Meneja wa Habari na Mawasiliano wa Yanga Ali Kamwe amesema maandalizi ya kikosi cha timu hiyo kuelekea mchezo wa ligi kuu ya NBC dhidi ya Simba yanaendelea vyema.
Yanga imejichimbia kambini Avic Town kujiandaa na mtanange huo utakaopigwa Jumamosi, Oktoba 10 kwenye uwanja wa Uhuru.
Kamwe amesema kwa sasa kikosi cha Yanga kimekamilika baada ya wachezaji wote waliokuwa kwenye majukumu ya timu za Taifa kuripoti kambini.
"Tunaendelea vyema na maandalizi yetu, tunafurahi wachezaji wote waliokuwa kwenye majukumu ya timu za Taifa wamerejea wakiwa wako fiti kabisa, hakuna yeyote aliyepata majeraha," alisema Kamwe.
Kamwe amewahakikishia wapenzi, wanachama na mashabiki wa Yanga kuwa kikosi chao kitakuwa tayari kwa mapambano ya kuwania alama tatu kwenye mchezo dhidi ya Simba.
Licha ya tambo za wapinzani wao, Kamwe amesema wao wamewekeza nguvu zaidi kwenye maandalizi yao na siku ya Jumamosi yule aliyejiandaa vizuri ataonekana pale uwanja wa Uhuru.
Tiketi zimeanza kuuzwa.
Katika hatua nyingine, Bodi ya ligi imethibitisha kuanza kwa mauzi ya tiketi kuelekea mtanange huo.
Tketi hizo zinapatikana kupitia mtandao rasmi wa tiketi wa TFF.
