Kikosi cha Yanga kinaendelea na maandalizi yake KMC Complex kuelekea mchezo wa ligi kuu dhidi ya watani zao Simba ambao utapigwa Oktoba 10 kwenye uwanja wa Uhuru.
Mabingwa hao wa ligi kuu ya NBC kwa misimu mitano mfululizo, wataianza Oktoba kwa mchezo huo wa Dabi ya Kariakoo na kisha kuelekea Arusha kuikabili TRA United mchezo utakaopigwa Oktoba 13 uwanja wa Sheikh Amri Abeid.
Baada ya mtanange huo Yanga itahamishia nguvu zake kwenye michuano ya ligi ya mabingwa kuwania tiketi ya kutinga hatua ya makundi wakikabiliwa na michezo miwili dhidi ya CFFA ya Madagascar.
Mchezo wa kwanza utapigwa Oktoba 17 Mauritius kabla ya mechi ya marudiano itakayopigwa Oktoba 24 jijini Dar es salaam.
Ni mwendo wa bandika bandua kwani baada ya mchezo huo, Yanga itarejea tena kwenye ligi kuu wakitarajiwa kuikabili Mashujaa Fc Oktoba 27 uwanja wa KMC Complex.
