Winga wa Yanga, Housseine Zakouani, amejumuishwa rasmi kwenye kikosi cha timu ya taifa ya Comoros (Coelacanths) kilichotangazwa na kocha mkuu Hubert Velud kwa ajili ya kampeni ya kufuzu AFCON 2027.
Zakouani ni miongoni mwa nyota 24 walioitwa kuitumikia nchi hiyo katika michezo miwili mikubwa ya kimataifa inayotarajiwa kupigwa mwishoni mwa mwezi huu wa Septemba.
Comoros itashuka dimbani Septemba 24 kuwakaribisha miamba wa soka barani Afrika, Cameroon, kabla ya kusafiri kuwafuata Namibia katika mchezo utakaopigwa Septemba 29.
Uteuzi wa Zakouani unakuja akiwa ameanza kuonyesha cheche zake ndani ya kikosi cha Yanga, baada ya kusajiliwa kwenye dirisha lililopita akitokea klabu ya Al-Zulfi ya Saudi Arabia.
Septemba 29 Zakouani atavaana ana kwa ana na mshambuliaji tegemeo wa Namibia na klabu ya Yanga, Peter Shalulile, katika vita ya nyota hao wa Yanga.
