Timu ya St George tayari imewasili nchini kuelekea mchezo wa Kimataifa wa kirafiki dhidi ya mabingwa wa soka Tanzania Bara, Yanga.
Kesho Ijumaa, Septemba 18 saa 12 jioni, timu hizo zitamenyana katika mchezo utakaopigwa uwanja wa Uhuru.
Mchezo huo utawahusisha wachezaji wa Yanga ambao hawakuitwa kwenye majukumu ya timu za Taifa kwa ajili ya mechi za kuwania kufuzu Afcon 2027.
Nyota wa Yanga waliojumuishwa kwenye kikosi cha timu ya Taifa ya Tanzania 'Taifa Stars' ni mlinda lango Hussein Masalanga, mabeki Ibrahim Bacca, Bakari Mwamnyeto, Mohammed Hussein na Mohamed Mussa.
Pia wamo kiungo Mudathir Yahya na mshambuliaji Seleman Mwalimu 'Gomez'. Kiungo mshambuliaji Albert Kangwanda ameitwa timu ya Taifa ya Zambia huku mshambuliaji Peter Shalulile ameitwa timu ya Taifa ya Namibia.
Aidha mlinda lango Djigui Diarra nae anatarajiwa kujiunga na kikosi cha timu ya Taifa ya Mali.
Mkufunzi wa Yanga Manqoba Mngqithi anatarajiwa kutumia mchezo huo kuwapa nafasi nyota wengine waliosalia yakiwa pia ni sehemu ya maandalizi kuelekea mchezo unaofuata dhidi ya Simba.
St George inanolewa na kocha wa zamani wa Yanga Srediovic Micho.
