Yanga imeendelea kujiimarisha kileleni mwa msimamo wa ligi ikiichapa Fountain Gate mabao 2-0 katika mchezo uliopigwa uwanja wa Sheikh Amri Abeid mkoani Arusha.
Licha ya kuwa ugenini, ni Yanga iliyotawala mchezo huo na kuwaweka nyuma kwa muda mwingi Fountain Gate wakijilinda.
Wananchi walihitaji dakika 26 kufunga bao la kuongoza kupitia kwa Peter Shalulile 'Shasha Man' aliyefunga kwa ustadi akiwa ndani ya eneo la hatari baada ya kupokea pasi ya kisigino kutoka kwa Stephane Aziz Ki ambaye leo ameandikisha urejeo wake kwa kutoa pasi ya bao.
Bao hilo liliipeleka Yanga mapumziko ikiwa mbele kwa bao 1-0. Kipindi cha pili Wananchi waliendelea kutawala kocha Mnqoba Mngqithi akiwaingiza Mudathir Yahya na Seleman Mwalimu akiwatoa Cheick Toure na Salum Abubakar 'Sure Boy'.
Yanga ikaandikisha bao la pili kwenye dakika ya 76 Mudathir akifunga bao hilo akimalizia mpira uliokolewa na mlinda lango wa Fountain Gate Parapanda baada ya shuti la Mwalimu.
Kabla ya kuingia kwa bao hilo Aziz Ki alimanusra afunge kama shuti lake kutoka nje ya 18 lisingegonga mwamba na kurejea uwanjani.
Dakika 90 za mchezo huo zikatamatika kwa Yanga kupata ushindi wa tano mfululizo na kujiimarisha kileleni mwa msimamo wa ligi.
