Kiungo mshambuliaji Stephane Aziz Ki ni miongoni mwa wachezaji ambao jana walishiriki kikamilifu maandalizi ya mwisho ya Yanga kuelekea mchezo wa ligi kuu dhidi ya Fountain Gate utakaopigwa leo kwenye uwanja wa Sheikh Amri Abeid.
Tangu akamilishe usajili wake kurejea Yanga, Aziz Ki amekuwa kwenye program maalum ya mazoezi kuimarisha utimamu wake wa mwili 'fitness' kabla ya kuanza rasmi majukumu yake.
Hata hivyo kitendo cha kujumuishwa kwenye kikosi cha Yanga kilichotua Arusha kuikabili Fountain Gate ni wazi huenda kocha Manqoba Mngqithi ana mpango wa kumtumia kwenye mchezo huo.
Ikumbukwe baada ya mchezo huo, Yanga itaelekea Botswana kwa ajili ya mchezo wa mkondo wa kwanza hatua ya awali ligi ya mabingwa dhidi ya Gaborone United.
Manqoba atamuhitaji Aziz Ki kwenye michuano hiyo mikubwa ambayo Yanga imeweka malengo ya kufanya vizuri zaidi msimu huu.
Kuna uwezekano mkubwa Aziz Ki leo akaonekana kwenye kikosi cha Wananchi kwa mara ya kwanza tangu urejeo wake.
