Yanga imetakata uwanja wa KMC Complex ikiichapa Coastal Union mabao 4-1 katika mchezo wa raundi ya pili ligi kuu ya NBC.
Unaweza kusema ulikuwa mchezo wa upande mmoja kwa muda mwingi na pengine Yanga ingeweza kufunga mabao mengi zaidi wakikosa nafasi nyingi za wazi.
Albert Kangwanda ndiye aliyefungua kalamu ya mabao ya Yanga kabla ya Maxi Nzengeli kuongeza bao la pili kabla ya mapumziko.
Yanga ilifunga mabao mengine mawili kipindi cha pili kupitia kwa Mudathir Yahya na Mohamed Hussein 'Zimbwe Jr' akifunga kalamu za mabao dakika za lala salama.
Peter Shalulile leo aliweka kambani mabao mawili ambayo hata hivyo hayakuhesabiwa akiwa ameotea.
Ushindi huo umeipeleka Yanga kileleni mwa msimamo wa ligi mapema kwa tofauti ya mabao ya kufunga
ADVERTISE HERE
