Ninju kuitumikia Polisi Tanzania kwa mkopo

Beki kinda wa Yanga Abubakar Nizar Othman 'Ninju' amejiunga na Polisi Tanzania kwa mkopo hadi mwishoni mwa msimu huu, imefahamika.

Katika mpango wa kuhakikisha beki huyo mwenye umri wa miaka 18 anapata nafasi zaidi ya kucheza, inaelezwa benchi la ufundi la Yanga limependekeza atolewe kwa mkopo.

Katika dirisha hili Yanga imeongeza zaidi nyota chipukizi nao watahitaji kupata nafasi kanuni mpya ikizitaka klabu kutumia angalau kwa asilimia 9 nyota wa U20 kwenye kila mechi.

Yanga bado ina mipango ya muda mrefu na Ninju hivyo ni wazi kama atakuwa na maendeleo mazuri na kikosi cha Polisi Tanzania, msimu ujao atarejea kikosini.