Kiungo mshambuliaji Offen Chikola amejiunga na klabu ya JKT Tanzania kwa mkataba wa miaka miwili akitokea klabu ya Yanga.
Chikola ametua JKT Tanzania akiwa mchezaji huru baada ya makubaliano ya pande mbili ya kusitisha mkataba kati yake na Yanga kufikiwa.
Chikola alitua Yanga msimu uliopita akitokea klabu ya Tabora United (sasa TRA United) ambapo aliwatumikia Wananchi kwa miezi sita tu kabla ya kutolewa kwa mkopo Singida BS.
Wakati anatua Yanga, Chikola alisaini mkataba wa miaka mitatu lakini baada ya kushindwa kujihakikishia nafasi ya kucheza, ni wazi amechagua kuendeleza maisha yake ya soka katika klabu ya JKT Tanzania.
ADVERTISE HERE
