Rais wa Yanga Injinia Hersi Said ametambulisha usajili wa kiungo mkabaji Fred Ngoma aliyesajiliwa kutoka klabu ya Olympic Club de Safi ya Morocco.
Ngoma anatua Yanga kuimarisha safu ya kiungo cha ukabaji, eneo ambalo limekuwana changamoto tangu aondoke Khalid Aucho
Ngoma ni kiungo mwenye umri wa miaka 28 raia wa Congo-Brazzaville, msimu uliopita alikuwa silaha muhimu ya Olympique Club de Safi (OC Safi) inayoshiriki Ligi Kuu ya Morocco (Botola Pro). Alikuwa sehemu ya kikosi cha timu hiyo kilichocheza nusu fainali ya kombe la Shirikisho (CAFCC).
Ngoma, aliyezaliwa Novemba 24, 1997 huko Pointe-Noire, ana wasifu mkubwa na uzoefu wa kutosha katika soka la Afrika. Alianzia soka la ushindani nchini mwao akizichezea klabu za CSMD Diables Noirs, AC Léopards, na CS La Mancha, kabla ya kung'ara zaidi na AS Otôho kati ya mwaka 2018 na 2021. Akiwa na Otôho, alicheza michuano ya kimataifa ya CAF na kuitwa Timu ya Taifa ya Congo-Brazzaville.
Mbali na nyumbani kwao, kiungo huyo ana uzoefu wa miaka mingi katika soka la Kaskazini mwa Afrika. Alicheza nchini Tunisia akiwa na CA Bizertin (2021–2023), kisha akatimkia Libya kuziwakilisha Al-Ittihad Tripoli na Al-Akhdar.
Ni rasmi sasa Ngoma ni Mwananchiii...!
