Katika dirisha hili Yanga imewekeza nguvu kubwa kuimarisha safu yake ya ushambuliaji baada ya changamoto zilizowakumba mabingwa hao wa nchi msimu uliopita.
Mpaka sasa Yanga imeongeza washambuliaji watatu katika dirisha hili; Hussein Mihambo akiwa mshambuliaji wa ndani, Cheikh Ibrahima Toure na Peter Shalulile wakiwa washambuliaji wa Kimataifa.
Washambuliaji hao wanaungana na Laurindo Aurelio 'Depu' anayeendelea kusalia kikosini huku Clement Mzize aliyekuwa majeruhi nae akiwa mbioni kurejea kikosini.
Lakini pia mshambuliaji Emmenuel Mwanengo nae ameendelea kusalia kikosini licha ya taarifa za awali za kutolewa kwa mkopo.
Kwa maana yake sasa Yanga ina washambuliaji sita kwenye eneo la mbele huku Mzize na Mwanengo wao wakiwa wanaweza pia kutumika kama mawinga.
Shalulile, Toure na Depu watachuana vikali pale mbele kocha Manqoba Mangqithi akiwa na machaguo ya washambuliaji ambao anaweza kuwatumia kwa mahitaji ya mechi husika.
