Baada ya kumshusha nchini mfungaji bora wa muda wote ligi kuu ya Afrika Kusini Peter Shalulile, taarifa kutoka ndani imedokeza kuwa tajiri bado hajamaliza!
Unakumbuka wakati Rais wa Yanga Injinia Hersi Said anatambulisha usajili wa nyota watatu; mshambuliaji Cheikh Ibrahima Touré na viungo washambuliaji/mawinga Albert Kangwanda na Housseine Zakouani, alibainisha wazi kuwa bado utambulisho wa wachezaji wawili wa kigeni.
Jana usiku Shalulile akatambulishwa na sasa imebaki nafasi moja, nao ukitajwa kuwa usajili mkubwa ambao unakwenda kutikisa nchi kwa mara nyingine.
Lakini pia inaelezwa kuna usajili mwingine mkubwa wa mchezaji wa ndani umefanyika hivyo kuna utambulisho wa wachezaji wawili kabla ya Yanga kukamilisha rasmi hesabu zake za usajili.
Juzi Yanga ilidokeza kuhusu ujio wa namba 6, ndio! Kuna kiungo fundi wata pleya anatarajiwa kutua Jangwani. Tetesi zimekuwa nyingi lakini wakati huu viongozi wa Yanga wamefanikiwa kwa kiasi kikubwa kuficha sajili hizi kubwa.
Ama kwa hakika wamemchokoza Bilionea GSM, nani aliwatuma waende kuchafua mazingira pale Jangwani?
Unaambia kwenye usajili wa dirisha hili, Yanga imeunda kikosi chenye thamani ya Tsh Bilioni 15..!
