Dirisha la usajili 2026/27 limefunguliwa

Dirisha la usajili kuelekea msimu wa mashindano 2026/27 tayari limefunguliwa ambapo klabu za Ligi Kuu, Championship, First Division na ligi ya Wanawake zitakuwa na nafasi ya kuboresha vikosi vyao.

Dirisha hilo lilifunguliwa rasmi Jumatatu Julai 06 2026 na litafungwa August 15 saa 5:59 usiku.

Ni takribani siku 40 muhimu za kuboresha vikosi tayari kwa mikiki mikiki ya 2026/27.

Mabingwa wa soka Tanzania Bara Yanga wao walianza michakato yao mapema Meneja wa Habari na Mawasiliano wa Yanga Ali Kamwe akiweka bayana kuwa hivi karibuni wataanza kuweka hadharani silaha mpya walizozisajili