Kocha wa zamani wa Yanga Miloud Hamdi ameondoka klabu ya Al Ittihad ya Misri baada ya msimu kufika tamati.
Baada ya kuondoka Yanga mwishoni mwa msimu uliopita, Hamdi alijiunga na Ismaily ya Misri na baadae kutua Al Ittihad.
Licha ya Al Ittihad kuhitaji kuendelea nae, kocha huyo amegoma kuongeza mkataba akihitaji changamoto mpya.
Msimu uliopita Miloud aliongoza benchi la ufundi la Yanga na kuweka rekodi ya kushinda mataji matano katika msimu ambao Yanga iliongozwa na makocha watatu ambao ni Miguel Gamondi, Sead Ramovic na yeye.
Alitua baada ya kuondoka Ramovic akiiongoza Yanga kwa mafanikio makubwa hadi mwisho wa msimu akishirikiana ya Abdihamid Moallin.
Ukiwauliza mashabiki wengi wa Yanga ni kocha gani wangependa arejee tena kuongoza benchi la ufundi kuelekea msimu ujao? Miloud anaweza kupata kura nyingi.
Miloud, Nasreddine Nabi na Sead Ramovic wote wako sokoni wakiwa hawana timu
