Kiungo mshambuliaji wa Yanga Pacome Zouzoua alikuwa miongoni mwa wachezaji ambao jana walirejea mazoezini kuanza maandalizi ya mikiki mikiki ya mechi za mwisho wa msimu.
Pacome alipata majeraha ya goti kwenye mchezo dhidi ya Singida BS na kumfanya akose mechi zilizofuata kuelekea mapumziko ya kalenda ya FIFA.
Hata hivyo profesa huyo wa boli sasa yuko imara akishiriki kikamilifu program za mazoezi wakati nyota ambao hawana majukumu ya timu za Taifa waliporejea kujifua KMC Complex jana.
Kurejea kwa Pacome ni habari njema kwa Wananchi ambao wanamuhitaji kila mchezaji kwenye mechi za kuhitimisha msimu.
Yanga inakabiliwa na mechi tano muhimu za kutetea ubingwa wa ligi kuu huku wakikabiliwa na mechi ngumu ya nusu fainali kombe la CRDB dhidi ya Azam Fc
