Pacome apata jeraha la goti, kufanyiwa vipimo zaidi

Kiungo mshambuliaji wa Yanga Pacome Zouzoua leo alicheza kwa dakika 45 tu kwenye mchezo wa ligi kuu dhidi ya Singida BS.

Daktari wa Yanga Dk Moses Etutu amethibitisha kuwa Pacome alipata jeraha juu ya goti na hivyo kushindwa kuendelea na mchezo huo ambao Yanga iliibuka na ushindi wa mabao 3-0.

Kwa taarifa ya awali ni kuwa sio jeraha kubwa sana, Jumamosi atafanyiwa vipimo zaidi.

Yanga inakabiliwa na mchezo dhidi ya Namungo Fc siku ya Jumatatu uwanja wa KMC Complex ambapo baada ya mchezo huo kutakuwa na mapumziko ya takribani wiki mbili kupisha kalenda ya FIFA.