Yanga imetinga nusu fainali ya kombe la CRDB baada ya kuibuka na ushindi wa mabao 2-0 dhidi ya JKT Tanzania katika mchezo wa robo fainali uliopigwa uwanja wa Isamuhyo.
Ulikuwa mchezo ulioanza kwa kasi kubwa JKT Tanzania wakianza vyema dakika 15 za kwanza kusaka bao la mapema.
Hata hivyo ni Yanga waliotangulia kwa bao la kujifunga Hassan Wahabi kwenye dakika ya 33 wakati akijaribu kuokoa krosi ya Chadrack Boka.
Yanga waliongeza bao la pili dakika ya 40 kupitia kwaMudathir Yahya aliyemalizia pasi mpenyezo iliyopigwa na Mudathir Yahya.
Mabingwa watetezi waikwenda mapumziko wakiwa mbele kwa mabao 2-0.
Kipindi cha pili Yanga iliendelea kutawala na kutengeneza nafasi zaidi lakini mpaka dakika 90 zinakamilika ushindi ulibaki mabao 2-0.
Yanga sasa inatinga nusu fainali ikiungana na Coastal Union mapema ilitng hatua hiyo kwa ushindi wa mikwaju ya penati 4-2 dhidi ya Singida BS baada ya suluhu ya bila kufungana dhidi ya Singida BS.
Hatua ya nusu fainali Yanga itacheza dhidi ya mshindi wa mchezo mwingine wa robo fainali kati ya Mashujaa Fc dhidi ya Azam Fc.
