GSM akatembelea eneo la ujenzi wa uwanja Jangwani

Mfadhili/Mdhamini wa klabu ya Yanga Ghalib Said Mohamed 'GSM' leo ametembelea eneo la Jangwani ambalo uwanja wa klabu ya Yanga unatarajiwa kujengwa.

Mapema leo Kamati maalum inayosimamia mchakato wa ujenzi wa uwanja huo ilikutana Makao Makuu ya Yanga katika kikao ambacho kilijadili masuala mbalimbali kuhusu mchakato huo.

Baada ya kikao hicho ndipo GSM akiongozana na maafisa wengine wa Yanga wakatembelea eneo ambalo uwanja huo utajengwa.

Taarifa kutoka ndani ya kikao hicho, imebainisha kuwa taratibu zote zimekamilika ambapo Ijumaa ramani ya uwanja huo itawekwa hadharani baada ya mkataba rasmi wa kuanza zoezi la ujenzi kusainiwa.