Baada ya ushindi muhimu wa mabao 3-0 dhidi ya Coastal Union juzi, kikosi cha Yanga kimesalia na mechi nane za kutetea ubingwa wa ligi kuu kwa msimu wa tano mfululizo.
Mchezo unaofuata sasa ni dhidi ya Dodoma Jiji ambao utapigwa uwanja wa Airtel mkoani Singida.
Wananchi wanaelekea Singida kucheza kwenye uwanja huo kwa mara ya pili msimu huu baada ya ushindi wa mabao 3-0 dhidi ya Singida BS katika mchezo wa kwanza uliopigwa kwenye uwanja huo.
Dodoma Jiji kwa sasa wanatumia uwanja wa Airtel kama uwanja wao wa nyumbani kufuatia kufungiwa kwa uwanja wa Jamhuri.
Yanga inaelekea mkoani Dodoma leo kisha kuunganisha Singida tayari kwa mchezo huo utakaopigwa siku ya Jumatano, May 13
ADVERTISE HERE
