Beki wa Yanga Israel Mwenda amekiri leo makosa yake yameigharimu timu bao la kwanza huku akiwaomba radhi mashabiki na wanachama kutokana tukio hilo.
Mapema dakika ya pili Mwenda alipoteza mpira eneo la hatari na kuwapa nafasi Simba kufunga bao la kwanza.
Tukio hilo ni kama lilimuondoa Mwenda mchezoni ambapo kocha Pedro Goncalves alilazimika kumfaanyia mabadiliko wakati wa mapumziko nafasi yake ikichukuliwa na Yao Kouassi.
"Sikuwa na siku nzuri kazini, nimekosea na kuigharimu TEAM nimewaangusha wachezaji wenzangu na mashabiki."
"Hakuna kisingizio na ntawajibika na kupokea lawama zote kwa mchezo wa leo. Wananchi hamkustaili kuona juhudi zenu na sapoti zikiishia bila furaha."
"Nimejifunza kwa makosa na ntapambana zaidi kurudi nikiwa bora kuliko leo," aliandika ujumbe Mwenda kwenye ukurasa wake wa mtandao wa kijamii.
Hata hivyo Yanga ilifanikiwa kusawazisha mabao yote na mchezo huo kumalizika kwa sare ya mabao 2-2.
Yanga inaendelea kusalia kileleni mwa msimamo wa ligi ikifkikisha alama 48, tofauti ikibaki alama 5.
