Meneja wa Habari na Mawasiliano wa Yanga Ali Kamwe amethibitisha kuwa klabu tayari imewasilisha madai dhidi ya wachambuzi wanaoichafua taasisi hiyo.
Kamwe amesema kwa sasa ni kusubiri sheria ichukue mkondo wake. Amesema suala la kukomboa mpira wa Tanzania haliko upande wa wale wanaotuhumu tu bila ushahidi, bali hata wale wanaotaka tuhuma hizo zithibitishwe nao wana lengo hilo hilo.
Kupitia ukurasa wake wa mtandao wa kijamii, Kamwe ameandika ujumbe huu;
"Maandiko, Nasaha na Ushauri .. nafikiri havina nafasi kwa sasa. Jambo Limeshafika kwenye Vyombo vya Kisheria hivyo ni vyema tukaacha Sheria ichukue nafasi yake.
Jambo likishawekwa kisheria, sote tunajua ni wapi pakuisubiri haki husika. Sisi Yanga Tunasubiri, Naamini na wachambuzi /Waandishi wa Habari na wadau pia wa Football wanasubiri.
Ukombozi wa Mpira wetu uko kote kote ndugu zangu, Hata hii ya kukomesha Tabia ya mtu kutoa tuhuma kwa Taasisi/Mtu bila ushahidi wa jambo husika ni jambo linaloweza kuulinda kabisa mpira wetu na mijadala ya kipuuzi.
Msichambue Ukombozi mmoja tu."
