Miamba nane iliyotinga robo fainali kombe la CRDB

Mechi za hatua ya 16 bora kombe la CRDB zilikamilika jana ambapo timu nane zilizofanikiwa kutinga robo fainali zilifahamika.

Mabingwa watetezi wa michuano hiyo Yanga wao walikata mapema tiketi ya robo fainali juzi baada ya ushindi wa bao 1-0 dhidi ya TMA Stars.

Timu zote nane zilizotinga robo fainali ni za ligi kuu ya NBC ambazo pamoja na Yanga, nyingine ni Azam Fc, Singida BS na Simba.

Nyingine ni TRA United, Coastal Union, Mashujaa Fc na JKT Tanzania.