Msimu huu Yanga Princess imepania kumaliza ukame wa mataji, wakijitosa mazima kuwania taji la ligi kuu ya Wanawake.
Tangu Yanga Princess ilipoanza kushiriki ligi kuu ya Wanawake (WPL), haijawahi kubeba ubingwa lakini wakati huu kinadada hao wanayo sababu ya kuamini msimu huu itawezekana.
Ikiwa imecheza mechi 12, Yanga Princess imeshinda mechi 11 na kupoteza mechi moja tu dhidi ya watani zao Simba Queens.
Nyota kutoka Rwanda Jeanine Mukandayisenga ndiye anayeongoza mapambano ya Yanga Princess kuwania ubingwa.
Jeanine ndiye kinara wa mabao WPL akiweka kambani mabao 18 katika mechi 12 alizocheza.
Katika mabao hayo, hat-trik ni nne kwa maana amefunga zaidi mabao 12 katika mechi 4!
Leo anatarajiwa kuiongoza Yanga Princess katika mchezo dhidi ya Tausi Fc uwanja wa Azam Complex.
