Kiungo mshambuliaji wa Yanga Allan Okello 'Star Boy' jana alin'gara katika mchezo wa ligi kuu dhidi ya Tanzania Prisons Wananchi wakiibuka na ushindi wa mabao 3-0.
Okello aliondoka na tuzo ya nyota wa mchezo baada ya dakika 90 za mchezo huo ambazo ziliwashuhudia Wananchi wakiongeza gap la pointi hadi kufikia alama 7 juu ya msimamo.
Katika mchezo huo, Okello alifunga bao lake la pili kwenye ligi msimu huu huku pia akitoa pasi ya bao lililofungwa na Mudathir Yahya.
Okello alianza maisha yake na Yanga taratibu lakini sasa unaweza kusema ameanza kudhihirisha kwa nini Rais wa Yanga Injinia Hersi Said alifunga safari Uganda kwenda kumsajili.
ADVERTISE HERE
