Ligi Kuu ya NBC imesimama kupisha kalenda ya mechi za FIFA ambazo zitafikia tamat mwishoni mwa wiki hii.
Ligi inatarajiwa kurejea mwanzoni mwa mwezi April, mabingwa watetezi Yanga wakitarajiwa kushuka dimbani April 04 kuikabili Tanzania Prisons katika mchezo utakaopigwa uwanja wa KMC Complex.
Kuelekea mechi za kuhitimisha duru ya pili, Yanga na Azam Fc ndio klabu pekee ambazo hazijapoteza mchezo mpaka sasa, iwe nyumbani au ugenini.
Licha ya kuteleza kwenye mechi tatu za mwisho kabla ya kwenda mapumziko, Wananchi bado wanaendelea kutamba pale kileleni huku wakiendeleza rekodi ya kutopoteza mchezo kwa muda mrefu.
Yanga sasa imecheza mechi 36 za ligi mfululizo bila ya kupoteza. Ni wazi rekodi hiyo inaweza kuendelea kwa muda mrefu zaidi kwani baada ya kukamilika kwa kalenda ya FIFA, Wananchi wameahidi kurejea wakiwa imara zaidi kuhakikisha wanatetea taji la ligi kuu kwa msimu wa tano mfululizo
