Mchezo wa ligi kuu ya NBC kati ya TRA United dhidi ya Yanga uliopigwa uwanja wa Sheikh Amri Abeid mkoani Arusha umemalizika kwa matokeo ya suluhu ya bila kufungana.
Ni mchezo ambao haukuwa na mashambulizi mengi, wenyeji TRA United wakikaa nyuma kuzuia huku Yanga wakikosa kasi katika kutengeneza mashambulizi yao.
Unaweza kusema uchovu wa kucheza mechi mfululizo umeanza kuwasumbua Wananchi huku majeruhi nao wakiongezeka.
Mshambuliaji Prince Dube na mlinzi wa kulia Israel Mwenda walishindwa kumaliza mchezo huo baada ya kupata majeraha wakiongeza msululu wa majeruhi.
Ni sare ya pili mfululizo Yanga wanapata huku ikiwa ni sare ya nne msimu huu. Alama 37 bado Yanga ikiendelea kusalia kileleni mwa msimamo wa ligi.
ADVERTISE HERE
